Arkeologët në Itali kanë zbuluar dhjetëra statuja bronzi të ruajtura që datojnë në kohët e lashta romake në banjat termale në Toskanë, gjë që ekspertët e përshëndesin si një gjetje të bujshme, shkruan Reuters.
Statujat u zbuluan në San Casciano dei Bagni, një qytet në majë të kodrës në provincën e Sienës, rreth 160 kilometra në veri të Romës, ku arkeologët kanë eksploruar rrënojat me baltë të një banje të lashtë që nga viti 2019.
"Është një zbulim shumë domethënës, i jashtëzakonshëm", i tha Reutersit të martën Jacopo Tabolli, një asistent profesor nga Universiteti për të Huajt në Siena që koordinon gërmimin.
Massimo Osanna, një zyrtar i lartë i Ministrisë së Kulturës, e quajti atë një nga zbulimet më të shquara "në historinë e Mesdheut të lashtë".
Tabolli ka thënë se statujat, që përshkruajnë Hygieian, Apollonin dhe hyjnitë e tjera greko-romake, përdoreshin për të zbukuruar një vend të shenjtë përpara se të zhyteshin në ujërat termale, në një lloj rituali, "ndoshta rreth shekullit të I pas Krishtit".
{gallery}
