Inxhinieri rus bën kabinë në biçikletë për t’i rezistuar të ftohtit

Kështu udhëton Jevgeni Lavrichenko në ditët më të ftohta – me biçikletën që e ka krijuar vetë.

Kjo është biçikletë e zakonshme, por me disa modifikime.

Ka udhëtuar me të tash e katër vjet.

Biçikleta me pedale mund të lëvizë deri në 40 kilometra në orë, ndërkaq shpejtësinë maksimale e arrin në 50 kilometra në orë nëpër teposhtë.

“Më kanë pëlqyer biçikletat për një kohë të gjatë dhe në internet i pashë të ashtuquajturat velomobile që lëvizin me pedale, por në kushtet tona është dashur t’ia bëj vendin edhe një motori elektrik, sepse dimri këtu është i vështirë”.

Edhe SOT 23 kor 2025 Biçikleta si zgjidhje për trafikun në Prishtinë

Këto ditë, Tomsku është i mbuluar me borë dhe ka pengesa të shumta nëpër rrugë.

Ani pse në dukje e pazakontë, biçikleta është mjeti i duhur për këto kushte në Rusi.

Emblema përpara biçikletës është simboli i një rakete dhe inicialet e shpikësit të saj.

Kabina e kësaj biçiklete është e thjeshtë dhe përbëhet nga plastika.

Rrotat janë të motoçikletave. Ndërkaq, biçikleta ka diçka shumë të veçantë. Këtë e tregon vetë Lavrichenko.

“Menjëherë e vërejta se ventilimi është i nevojshëm, sepse xhamat avullohen, mirëpo doli se nuk kishte efekt të madh. Tani vetëm e hap dritaren, plus asaj, ventilimi konsumon elektricitetin, i cili është shumë i vlefshëm këtu”.

Merakliu i inxhinierisë dhe sporteve përdor biçikletën çdo ditë për të shkuar në punë, e cila është 12 kilometra larg.

Mendon se është i shëndetshëm drejtimi i biçikletës me pedale.

“Kështu bëj masazh shpinën. Tani nuk më dhemb më. Pastaj nuk duhen harruar ushtrimet e këmbëve. Unë i quaj ushtrime për zemër”.

Për shkak se Lavrichenko nget biçikletën nëpër rrugët publike, ishte e nevojshme vendosja e sinjalizuesve, ose çdo gjë që përdoret në një automjet të zakonshëm.

Ani pse nuk ka ndonjë ngrohëse, Lavrichenko thotë se biçikleta e izoluar gjithsesi e mban të ngrohtë.

Mirëpo, nuk e ka ndërmend të ndalet. Ai synon të krijojë një biçikletë me katër rrota, që do të jetë shumë më e lehtë të drejtohet nëpër rrugët me borë.

Edhe Botë 12 dhj 2023 Ukraina në luftë edhe me acarin

Planifikon t’ia vërë një motor edhe më të madh.

Shpesh e ndalin policët, por në të shumtën e rasteve janë të interesuar për biçikletën e pazakontë.