Një grua nga Uganda u kap në aeroportin “Chhatrapati Shivaji” të Mumbait, këtë javë me rreth 1 kilogram kokainë. Ajo e kishte fshehur drogën poshtë parukës së saj, shkruan “Daily Mail”.
Një zyrtar i Indisë ka treguar se gruas iu gjetën afro 890 gramë kokainë – vlerë rreth 1 milion euro - që i kishte fshehur në parukë e sytjena.
Pas marrjes së informacionit, autoritetet e Indisë në Mumbai i bën kurth dhe e kapën pasagjeren.
Në video shihet kur punonjësit të sigurisë ngadalë ia hapin parukën gruas. Përdorën një brisk, derisa e hapën dhe zbuluan strehën ku po mbahej kokaina.
Zyrtarët në aeroportin e Indisë kanë thënë se edhe në të kaluarën ka pasur metoda të ndryshme të fshehjes së kokainës, si fshehje e kokainës së lëngshme në shishe të uiskit, apo edhe në krema hidratues.
“The Times of India” ka raportuar se gruaja gjithashtu fshihte kokainë në sytjena.
Droga u sekuestrua dhe gruaja po mbahet në paraburgim.
Vitin e kaluar, dy gra ishin kapur duke tentuar të trafikonin kokainë në Kolumbi, të cilën e kishin fshehur në paruke.
