Pas dhjetë vitesh prej kur filluan lidhjen, Debby Neal-Strickland u martua me të dashurin e saj. Dy ditë më vonë, ajo vuri në trup veshjen e spitalit dhe i dhuroi veshkën Mylaen Merthes – ish-gruas së bashkëshortit të saj.
Një ngjarje e pazakontë, por historia e Jim Merthet dhe dy grave të tij është një testament se si dashuria dhe përkushtimi triumfojnë edhe në ndarje.
59-vjeçarja Mylaen, ka vuajtur nga sëmundja e veshkave. Vitin e kaluar gjendja e saj shëndetësore u përkeqësua duke mos i lënë shumë energji. Kur u shtrua në spital në nëntor, veshkat e saj funksiononin vetëm 8 për qind.
Vëllai i saj i ofroi njërën veshkë, por nuk ishte e përshtatshme, kështu që Debby doli vullnetare.
Jim dhe Mylaen janë divorcuar për afër dy dekada më parë, por ata janë ende miq dhe kanë rritur dy fëmijë.
Dëshira e Debbyt për ta ndihmuar Mylaenin ishte më e thellë. Ajo ka kaluar vite të tëra duke parë vëllain e saj të vdiste për shkak të fibrozës cistike e që priste për transplant, shkruan AP.
Edhe
Jada Pinkett Smith ndan dhuratën romantike nga Will Smith për Shën Valentin
Pas disa muajsh testimesh dhe me gjendjen me pandeminë COVID-19, transplanti për Mylaenin u caktua dy ditë pas martesës së Jimit dhe Debbyt. Debby donte ta shtynte martesën, por miqtë nuk e lejuan. Ata u martuan më 22 nëntor.
“Ky është kuptimi i botës. Familja. Ne duhet të qëndrojmë njëri me tjetrin. Ajo më shpëtoi jetën”, ka thënë Mylaen.
