Gruaja amerikane gjen tiketën fituese të lotarisë në “spam”

Një grua amerikane ka zbuluar se ka fituar 3 milionë dollarë në lotari, pasi kontrolloi folderin “Spam” në emailin e saj, raporton BBC.

Laura Spears 55-vjeçare, kishte blerë online biletën e “Mega Millions”, lotarisë shtetërore, pasi kishte parë që xhekpoti arriti në qindra miliona.

“Disa ditë më vonë, po kontrolloja për email të dikujt tjetër, kështu që kontrollova në spam. Aty e pash emailin nga lotaria që thoshte se kam fituar çmimin”, ka thënë Spears. “Nuk po mund të besoja çfarë po lexoja. U kyça në llogarinë time të lotarisë për të konfirmuar mesazhin”.

Ajo planifikon të dalë në pensionim dhe të shikojë emailat e saj më me kujdes.