Fatkeqësisht, kur njerëzit janë nën ndikimin e alkoolit, ata rrallë janë në gjendje të marrin vendime racionale. Disa drejtojnë veturën dhe kështu rrezikojnë të tjerët dhe veten e tyre.
Në Gjermani ka ndodhur rasti i pazakontë. Një nga shoferët e dehur kishte ndërgjegje, por në mënyrën e gabuar. Një 38-vjeçar kishte pirë shumë, ndaj u ndje në faj teksa drejtonte veturën dhe vendosi të shkonte në stacionin e policisë për ta denoncuar veten.
Ngjarja ka ndodhur më 13 prill në provincën gjermane të Rheinland-Pfalz. Rreth orës 16:30, një burrë i dehur hyri në stacionin e policisë Gau-Bickelheim për të kërkuar falje që drejtoi veturën në gjendje të dehur, shkruan Mirror.
Gjëja e parë që vunë re oficerët ishte se shoferi po mundohej të parkonte automjetin dhe më pas mezi doli nga vetura dhe u fut në stacion. Niveli i tij i alkoolit ishte 2.8 g/l.
Atij i është hequr patenta e shoferit dhe përballet me një gjobë të rëndë. Në Gjermani, kufiri i alkoolit që lejohet për të drejtuar veturën është 0.5 g/l.
-
Belgu lirohet nga akuza për drejtimin e veturës në gjendje të dehur sepse trupi i tij krijon alkool
-
Gjobitet shoferi i dehur në Ferizaj
-
Në gjendje të dehur godet veturën e Policisë, arrestohet shoferi në Pejë
-
Drejtonte veturën nën ndikim të alkoolit, i merret patentë shoferi për një vit
-
Eci 100 km/h më shpejt se limiti, shoferi holandez befason policët me arsyetimin