Zyrtarë sanitarë kanë gjetur në Shën Peterburg një mashkull, i cili që nga shpërbërja e BRSS, në vitet e nëntëdhjeta të shekullit të kaluar, nuk kishte dalë nga banesa e tij.
Kur hynë në banesë, punëtorët gjetën një sasi bërlloku në lartësi një metër e gjysmë dhe aty gjetën burrin e moshuar në gjendje të dehur. Ata me këtë rast nga dokumentet gjetën vetëm letërnjoftimin e kohës së Bashkimit Sovjetik, transmeton kp.
Zyrtarët thanë se personi në fjalë në banesë jetonte me bashkëshorten, e cila është në gjendje të sëmurë psikike dhe rregullisht mbledh bërllok, të cilin e sjell në banesë.
Burri është dërguar urgjentisht në spital, ndërsa bashkëshortja e tij është vendosur në klinikën psikiatrike, transmetojnë mediat ruse.