Fshati italian pa koronavirus shet shtëpitë për një dollar

Një fshat në Itali, i cili thotë që është i lirë nga koronavirusi, po përpiqet të tërheqë banorë të rinj, duke shitur shtëpi për një dollar, por pronarët e ri duhet të premtojnë se do t’i renovojnë këto shtëpi.

Rajoni jugor i Kalabrisë i quajtur Cinquefrondi, e quan veten fshat të lirë nga koronavirusi, ngase atje nuk ka pasur asnjë rast të konfirmuar me koronavirus, ndërsa rajoni i Kalabrisë ka pasur numrin më të vogël të rasteve të raportuara me virus në tërë shtetin.

Kryetari i këtij fshati, Michele Conia, tha se i ashtuquajturi "Operacioni Bukuria" është i krijuar për të tërhequr banorë që kanë dëshirë të renovojnë shtëpi të braktisura të cilat janë në gjendje të rëndë dhe pothuajse të pariparueshme.

"Gjetja e pronarëve të ri për shumë shtëpi të braktisura që kemi janë pjesë kryesore e Operacionit Bukuria të cilin e kam nisur për të rregulluar pjesët e degraduara dhe të humbura të qytetit tonë", tha Conia për CNN. "Jam rritur në Gjermani ku prindërit e mi emigruan, e pastaj u ktheva, ta shpëtoj tokën time. Shumë njerëz kanë ikur nga ky vend me dekada të tëra, duke lënë shtëpitë e braktisura. Nuk mund të lejojmë disfatën e plotë të vendit tonë".

Programi ofron shtëpitë për vetëm 1 dollar, por blerësit duhet të paguajnë sigurim vjetor prej 280 dollarësh deri sa të mos kompletohen renovimet.

Pronarët e rinj të shtëpive mund të dënohen me 22,470 dollarë, nëse nuk e renovojnë shtëpinë brenda tre viteve.