Kompania britanike Eden's Gate kreu një kërkim mbi njerëzit më të vjetër në botë për të zbuluar se çfarë i ndihmoi ata të jetonin gjatë, shkruan revista “Eat This, Not That”.
Ata pyetën gjashtë persona që ishin mbi 100 vjeç. Sigurisht, dieta, stresi dhe statusi socio-ekonomik luajtën një rol për sa kohë sa jetuan këta persona. Kompania e përmendur deklaroi se gruaja franceze Jeanne Louise Calment ishte personi më i vjetër në botë - ajo jetoi për 122 vjet. Në një rast, ajo renditi tre gjërat që konsumonte çdo ditë:
Çokollatë
Ajo e hante çokollatën pas çdo vakti. Edhe pse dikujt mund t'i duket e çuditshme, ky ushqim ka përfitime të shumta shëndetësore. Hulumtimet e publikuara në revistën Antioxidants & Redox treguan se është e dobishme për zemrën, se ndihmon në luftimin e kancerit dhe sëmundjeve infektive që dëmtojnë sistemin imunitar.
Vaj ulliri
Shoqata Amerikane e Zemrës (AHA) thekson se vaji i ullirit, ndër të tjera, përmban vitaminë E dhe ul nivelin e kolesterolit të keq (LDL). Prandaj, rreziku i sëmundjeve të zemrës është më i ulët. Rezultatet e hulumtimit të publikuara në Gazetën e Kolegjit Amerikan të Kardiologjisë treguan se konsumimi i sasive të mëdha të vajit të ullirit lidhet me jetëgjatësinë. Mjekët këshillojnë ta përdorni në vend të margarinës dhe majonezës. Një të tillë e përdorte pothuajse në çdo vakt të ngrënies edhe Calmenti.
Verë
Calmenti deklaroi se i pëlqente veçanërisht të pinte një verë të kuqe të prodhuar në Portugali. Shumë njerëz e konsumojnë këtë lloj vere si pjesë e dietës mesdhetare, e cila është shpallur më e shëndetshme për organizmin. Sigurisht, është e rëndësishme që të konsumoni një sasi të moderuar, jo më shumë se një gotë në ditë.
