Një burrë që dyshohet se ka bërë një kërcënim me bombë, në një përpjekje për të kapërcyer vijën për të hyrë në koncertin e reperes, Doja Cat në Indianapolis të SHBA-së, është arrestuar.
Sipas Departamentit të Policisë Metropolitane të Indianapolisit, incidenti ndodhi në linjën e sigurisë për Playoff Playlist Live të AT&T!.
Dëshmitarët aty pranë thuhet se i thanë policisë se burri pretendonte se ishte i armatosur me një bombë.
Policia më vonë lëshoi një deklaratë në Twitter duke konfirmuar se kërcënimi ishte një alarm i rremë.
“Oficerët e IMPD-së u përgjigjën, kontrolluan çantën e tij dhe nuk gjetën një eksploziv”, shkroi departamenti në Twitter.
“Njeriu kishte urdhër-arreste të parealizuara dhe u arrestua menjëherë për to”, ka shtuar IMPD-ja.
Policia njoftoi se koncerti, duke përfshirë performancat e Doja Cat, repere 26-vjeçare, dhe grupi AJR, do të vazhdonin siç ishin planifikuar.
Edhe
Doja Cat kërcënohet me vdekje nga një fans
Dëshmitarët okularë përshkruan më parë skenën kaotike në mediat sociale, pasi pritën në radhë për orë të tëra për të ndjekur koncertin falas në natyrë, që çon në Kampionatin Kombëtar të Playoff-it të Kolegjit 2022 të hënën.
Kërcënimi me bombë i së shtunës është problemi i fundit me të cilin këngëtarja e "Kiss Me More" është përballur së fundmi në lidhje me performancat e saj live.
Në dhjetor, këngëtarja e nominuar për Grammy njoftoi se do të detyrohej të tërhiqej nga turneu i HeartRadio Jingle Ball pas një diagnoze pozitive me COVID-19.
