Gjashtë burra të Kosovës të prirë nga presidenti Hashim Thaçi janë pritur sot në Bruksel nga katër gra me në krye Federica Mogherinin që përfaqësojnë Bashkimin Evropian në dialogun me Serbinë.
Thaçi përkrah ministrit të Jashtëm, Behgjet Pacolli dhe asistentëve Bekim Çollaku, Blerim Shala dhe Bernard Nikajt u takua me Mogherinin që ishte e rrethuar me bashkëpunëtore të saja, transmeton Koha.net.
Kjo është vazhdimësi e përfaqësimit të Kosovës nga burrat në Bruksel, pasi më 18 korrik ministrja e Integrimeve evropiane, Dhurata Hoxha, u la në shtëpi, për t’ia liruar vendin Hashim Thaçit, Ramush Haradinajt, Kadri Veselit, “Bacit” Behgjet Pacolli, Fatmir Limajt dhe Dardan Gashit, që të takoheshin me përfaqësuesen e lartë të BE-së, Mogherninin.
Më 18 korrik, presidenti Hashim Thaçi u mundua ta prezantojë delegacionin si grup e familje, derisa Veseli e thërriste Pacollin me “Bac Bac Bac” për ta bërë një foto burrash me Moghernin.
-
Haxhiu kërkon avancimin e Kosovës drejt statusit të vendit kandidat për anëtarësim në BE
-
Haxhiu takohet me kryeministrin çek, i kërkon mbështetje tutje për Kosovën
-
Samiti BE-Ballkani Perëndimor sot në Tivat, Kosova kërkon trajtim të drejtë në procesin e zgjerimit
-
Kosova do të kërkojë në Tivat trajtim të drejtë në procesin e zgjerimit
-
Haxhiu përfaqëson Kosovën në samitin e liderëve të BE-së dhe Ballkanit Perëndimor