Britaniku shpallet fajtor për vjedhjen e rreth 200 mijë vezëve prej çokollate

Një burrë në Britani të Madhe është shpallur fajtor për vjedhjen e afërsisht 200 mijë vezëve prej çokollate, të cilat kishin vlerë prej rreth 45 mijë eurosh.

Joby Pool, 32 vjeç, është shpallur fajtor të martën nga gjykata, për dëmtim kriminal dhe vjedhje, ka bërë të ditur Policia britanike përmes një deklarate për media.

Dhjetëra mijëra vezë “Cadbury Creme Eggs” – çokollata britanike me një krem të bardhë dhe të verdhë në mes, janë vjedhur nga një njësi në Parkun Stafford, në perëndim të Anglisë të shtunën,

Çokollata u gjet kur Pool u ndalua nga policia e autostradës të shtunën.

Gjykatës së Magjistraturës Kidderminster iu tha të martën se Pool përdori një mulli metalik për të hyrë në njësinë industriale, përpara se të largohej me çokollatën, raportoi agjencia e lajmeve PA Media.

Pool është dërguar në mbajtje derisa dënimi i tij do të bëhet i ditur muajin i ardhshëm.