Ai ishte aq i lumtur që ishte një baba dhe vendosi të bënte tatuazh emrin e djalit të tij në shpinë: “Benjamin”.
Një mbishkrim i madh dhe i rëndësishëm. Megjithatë, gëzimi u kthye në zemërim kur Pedro Pablo Santo Domingo, një kolumbian 22-vjeçar, zbuloi se në të vërtetë, ky fëmijë nuk ishte i tij.
Disa ditë pas bërjes së tatuazhit, në të vërtetë, i riu lexoi bisedat në WhatsApp në telefonin e të dashurës në të cilën gruaja i tha ish-it të saj, se babai i vërtetë është ai (lajmi i konfirmuar më pas nga një test i ADN-së) dhe dëshiron të rifillojë një lidhje me të.
Pedro Pablo, nën efektin e alkoolit, nuk ishte në gjendje të ruante zemërimin dhe e qëlloi partneren e tij me një shkop. Tani ai i është besuar një ekipi psikologësh. Lajmi është raportuar nga faqja lokale e informacionit “La Opinion”.
Fqinjët, të cilët njoftuan policinë, e shpëtuan gruan nga goditjet. Partneri i saj u arrestua, por u lirua pasi tregoi historinë e tij para autoriteteve. Psikologët do ta ndihmojnë atë të kapërcejë traumën./shqip
