Një 84-vjeçar nga Kanada është bërë personi më i moshuar që ka vrapuar ndonjëherë në maratonën e akullt të Antarktikut.
Ai kompletoi garën së bashku me 55 vrapues tjerë që përfaqësonin 17 shtete të botës.
Vrapuesi veteran, Roy Jorgen Svenningsen, nuk ishte maratonisti i vetëm që vuri rekord në vrapimin ekstrem, transmeton KTV.
William Hafferty i Shteteve të Bashkuara vendosi një rekord në kohë kur garën e përfundoi për 3 orë, 34 minuta e 12 sekonda.
Vrapuesit i bën ballë kushteve me erë e diell, për të përfunduar dy gjiro në afërsi të kampit që gjendet 965 kilometra nga Poli Jugor.
Edhe
Sawe shkruan histori në Maratonën e Londrës
Gruaja e parë që përfundoi garën është Lenka Frycova nga Republika çeke. Maratonën e akullt ajo e mbylli për 4 orë e 40 minuta.
Shumë prej garuesve u frymëzuan nga Svenningseni që përfundoi garën për 11 orë e 41 minuta.
Organizatorët kanë thënë se ai ishte personi më i vjetër që ka vrapuar në një maratonë në këtë kontinent.
Përveç kësaj maratone, 84-vjeçari ka vrapuar në më shumë se 50 maratona rreth botës.
Edhe
Vrapimi i maratonës në javën e 22-të të shtatzënisë
Vrapimin e parë e bëri në Kanada në vitin 1964.
{gallery}
