Një punonjëse e një dyqani pijesh alkoolike planifikoi, vodhi dhe u përpoq të përfitonte nga një biletë lotarie fituese prej 3 milionë dollarësh, përpara se hetuesit të fillonin hetimin për fituesin e ligjshëm.
Tani, shitësja Carly Nunes është paditur nga një juri e madhe.
Episodi filloi kur Paul Little hyri në dyqanin e pijeve më 17 janar dhe bleu një qese me patate të skuqura, dy bileta lotarie së Massachusetts për lotarinë Mega Millions dhe dy për lotarinë Mass Cash, raportoi CNN.
Little u largua nga dyqani me patatet e skuqura - por i harroi biletat e lotarisë. Rreth 45 minuta më vonë, një klient tjetër bleu pesë bileta, të cilat punëtorja i mori edhe ato të Little dhe ia dorëzoi klientit, i cili i ktheu asaj dy biletat që s’ishin të tij.
Punëtorja mori biletat pa kërkuar që ta gjente personin që i takonin, duke i marrë në shtëpi.
Pasi u shpallën numrat fitues, punëtorja shkoi ta merrte çmimin e madh. Aty u ngrit dyshimi se biletat nuk ishin të sajat. Zyrtarët e lotarisë njoftuan policinë dhe thanë se pas përfundimit të hetimit do ta jepnin çmimin.
Policia gjeti se Little ishte pronari i vërtetë dhe tani pritet që ai të marrë 3 milionë dollarë.
