Rusët duan t’i ikin luftës: “Si ta thyesh krahun në shtëpi” trend në internet
Rusët me çdo kusht po mundohen t’i ikin luftës në Ukrainë, pas njoftimit të së mërkurës kur presidenti Vladimir Putin shpalli mobilizim të pjesshëm ushtarak, shkruan NY Post.
300 mijë rusë të aftë për luftë pritet të dërgohen në Ukrainë, në fazën e re të Rusisë për pushtimin e Ukrainës.
Përveç që po blejnë bileta njëdrejtimëshe për të ikur nga vendi, rusët e aftë për luftë po shpikin metoda të reja për të mos qenë pjesë e mobilizimit.
Në Rusi është bërë trend i kërkimit në internet fjalia “si ta thyesh krahun në shtëpi”.
Sipas të dhënave të Google, që kur Putini përfundoi fjalimin e djeshëm, kërkimi për “si ta thyesh krahun në shtëpi” ka pasur rritje të vazhdueshme pas çdo ore.
