Një burrë nga Karolina e Veriut në SHBA, i fitoi 250 mijë dollarë në lotari, me tiketën që e bleu për vetëm 5 dollarë, shkroi “Upi” të mërkurën.

Sipas njoftimit, 22-vjeçari Juan Garcia, që jeton në qytetin Durham, rrëfeu se tiketën e bleu krejt rastësisht, derisa ishte në kërkim për ta blerë një rrobalarëse.

Në fillim, Garcia nuk besoi se kishte fituar.

“Nuk e besova, shikova listën dhe pashë zero të shumtë”, deklaroi ai, duke theksuar se me paratë do të kujdeset për vajzën e tij 6-muajshe.

“Ky është hap i madh drejt shtëpisë sonë të ëndrrave”, deklaroi tutje.