Emri i tij është "Hector", ai është mbi 100 milionë vjeç dhe fosilet e tij u shitën për më shumë se 12 milionë dollarë në ankand nga Christie's, shkroi CNN të shtunën.
Hectori është skeleti më i plotë i “Deinonychus antirrhopus” i gjetur ndonjëherë, sipas Christie's.
Është në një "gjendje të jashtëzakonshme të ruajtjes", tha shtëpia e ankandit për ekzemplarin, i përbërë nga 126 fosile origjinale në një kornizë të ndërtuar me porosi.
Deinonychus 9 metra i gjatë, u emërua për kthetrat e tij dalluese dhe vdekjeprurëse në secilën këmbë. Deinonychus nënkupton "kthetra e tmerrshme" në greqishten e lashtë.
Këmbja vdekjeprurëse mund të jetë e njohur për fansat e serisë ikonë të filmave "Jurassic Park", në të cilën “velociraptorët” rrëmbyes vrasin mysafirët e parkut dhe luftojnë me një “Tyrannosaurus Rex”. Sidoqoftë, në realitet, “Velociraptor” ishte një dinozaur i vogël në madhësinë e gjelit të detit, i gjetur kryesisht në Mongoli. Krijuesit e filmit e ngritën emrin e tij, por morën shumicën e atributeve nga “Deinonychusi” më i madh, sipas Christie's.
Fosilet e dinozaurëve, veçanërisht për speciet "e famshme" si ato të paraqitura në "Jurassic Park", kanë marrë shuma mbresëlënëse në ankand në dekadat e fundit. Në vitin 2020, një skelet T.rex u shit për 31.8 milionë dollarë rekord, dhe në vitin 2021, skeleti më i madh në botë “Triceratops” u shit për 7.7 milionë dollarë.
© KOHA.
