Turistja holandeze u gjobit për përshëndetjen naziste në ish-kampin e vdekjes
Një turiste holandeze është arrestuar në Poloni për përshëndetjen naziste në vendin e ish-kampit të vdekjes Aushvic-Birkenau, thotë policia lokale.
29-vjeçarja bëri gjestin para portës së Arbeit Macht Frei (Puna të çliron).
Gruaja emri i së cilës nuk është bërë i ditur, më vonë u akuzua për përfshirje në propagandën naziste. Prokurorët vendosën një gjobë, të cilën ajo pranoi ta paguante.
Gruaja tha se akti kishte qenë një shaka e keqe, raporton agjencia e lajmeve PAP e Polonisë.
Ajo në atë kohë kishte pozuar për një foto të realizuar nga bashkëshorti i saj.
Gjermania naziste ndërtoi kampin e vdekjes në qytetin jugor polak të Oswiecim pasi pushtoi Poloninë në fillimin e Luftës së Dytë Botërore në 1939
