Një grua është ribashkuar me unazën e martesës që humbi në një copë patate në Ishujt Perëndimor, 50 vjet më parë.
Peggy MacSween 86-vjeçare, besonte se nuk do ta shihte më kurrë unazën pasi i rrëshqiti teksa mblidhte patate afër shtëpisë së saj në Benbecula, në Bregun Perëndimor të Skocisë.
Por pasi kohët e fundit mësoi për unazën e saj të humbur, një vendas u nis për ta gjetur atë me një detektor metali. Donald MacPhee e zbuloi atë pas tre ditësh kërkimi, në zonën ku dikur ishte copëza e patates.
MacPhee, i cili drejton Benbecula's Nunton House Hostel, hapi 90 gropa dhe gjeti copa metali të vjetër, kanaçe dhe unaza përpara se të gjente unazën e MacSween.
“Ai erdhi te dera e shtëpisë sime dhe më tha: Kam diçka për ty. Dhe ishte unaza”, ka thënë MacSween.
“Nuk mund t’i besoja syve por ishte unaza. Kam menduar se nuk do ta gjejë më kurrë”, ka vazhduar MacSween.
Zonja MacSween humbi unazën ndërsa mblidhte patate në Liniclate Machair, një zonë me livadh bregdetar me rërë, në fund të viteve 1960.
"Po shkundja rërën nga dorezat e mia dhe unaza u zhduk. Nuk e dija derisa u ktheva në shtëpi. Dola disa ditë për ta kërkuar por nuk mund ta gjeja”, ka shpjeguar ajo.
Bashkëshorti i zonjës MacSween, John, me të cilin ajo u martua në korrik të vitit 1958 dhe vdiq disa vjet më parë, i bleu asaj një zëvendësues ndërsa ata ishin me pushime. Ajo mbante unazën e martesës së nënës së saj derisa mori të renë.
© KOHA. Të gjitha të drejtat janë të rezervuara.
