Tesla mban vetë drejtimin dhe ndalet në autostradë pasi shoferin e zë gjumi
Disa fotografi të bëra me një telefon tregojnë pamjet kur sistemi i autopilotit të veturës Tesla Model S, ndal veturën nga lëvizja pasi shoferin e saj të dehur e zë gjumi gjatë ngasjes.
Rasti ka ndodhur në një autostradë të Norvegjisë, kur sistemi teknologjik i veturës kishte vërejtur se shoferi i saj 24-vjeçar, nuk ishte më i vetëdijshëm mbi veturën.
Dyshohet se shoferi kishte dalë në rrugë me veturën e tij pas një nate plotë pije dhe dehjes si rezultat i kësaj.
Mirëpo, një shofer i një veture tjetër i cili kishte rastisur në ato momente në autostradë, ka fotografuar shoferin e Teslas teksa e zë gjumi gjatë vozitjes.
Tesla owner in Norway suffers unconsciousness while driving, Tesla autopilot detects it, slows, comes to a stop so EMS can help @elonmusk@Tesla ❤️🩹🚑
— Austin Tesla Club (@AustinTeslaClub) July 31, 2021
Por sistemi i veturës e kishte mbajtur atë në korsinë e saj dhe larg veturave të tjera, para se të ndalej në një tunel.
Policia e Rajonit Lindor ka lëshuar një deklaratë në Twitter, përmes së cilës ka bërë të ditur se shoferi i Teslas ishte i dehur në ato momente, mirëpo e ka mohuar vozitjen në atë gjendje, pavarësisht pamjeve që e shfaqin atë.
Autopiloti i Teslas është një sistem i avancuar ndihmës gjatë vozitjes i cili bën krahasimin e shpejtësisë së veturës me veturat e tjera në trafik, mban veturën në korsinë e saj dhe e udhëzon atë përmes ndryshimeve në korsi dhe rampave.
Teknologjia gjithashtu angazhon automatikisht sinjalin e kthesës dhe merr daljen e duhur - veprime këto të cilat kanë shpëtuar jetën e burrit norvegjez dhe atyre në automjetet përreth.
