I shkaktoi makthe fëmijës, largohet nga puna edukatori i mbuluar me tatuazhe

Një edukator kopshti i mbuluar në të gjithë trupin me tatuazhe, përfshirë edhe pjesën e bardhë të syrit që e ka kthyer në të zezë përmes një operacioni, deklaroi se iu ndalua të jepte mësim, pasi një nga prindërit u ankua se fëmija e tij kishte frikë prej tij.

Sylvain Helaine jepte mësim në shkollën fillore “Docteur Morere” në Palaiseau përpara se prindërit e një 3-vjeçari të ankoheshin vitin e shkuar tek autoritetet arsimore, ku u shprehën se djali i tyre kishte makthe natën pasi pa për herë të parë mësuesin.