Lëmsh

Gjykata në Malajzi dënon me pesë muaj burgim shtetasin e Indisë të akuzuar për përhapjen e koronavirusit

Gjykata në Malajzi dënon me pesë muaj burgim shtetasin e Indisë të akuzuar për përhapjen e koronavirusit
Foto: Reuters

Një gjykatë në Malajzi ka dënuar të enjten me pesë muaj burgim një shtetas të Indisë, pasi ai ka thyer rregullin e karantinimit në shtëpi, duke shkaktuar disa raste të reja të infektimit, shkruan agjencia shtetërore Bernama.

57-vjeçari, që banon në Malajzi dhe ka një restorant në shtetin verior të Kedahut, është deklaruar fajtor në katër akuzat për shkeljen e urdhrit të vetizolimit në shtëpi prej 14 ditëve. Ai ishte urdhëruar të vetizolohej për dy javë pas kthimit nga India në korrik, shkruan agjencia Reuters.