Pandemia COVID-19 ka dominuar agjendat mediale në mbarë globin që nga fillimi i këtij viti, por në një vend sekret të Azisë Qendrore nuk do të dëgjoni fjalën ‘koronavirus’ asnjëherë – dhe kjo po i vë në rrezik qytetarët e këtij vendi, ka thënë një raport i ri.
Në Turkmenistan, i cili u rendit në vendin e fundit në Indeksin Botëror të Lirisë së Mediave për vitin 2019 – madje një vend më poshtë se Koreja e Veriut – fjala “koronavirus” është hequr nga fjalori nacional, sipas organizatës së pavarur joqeveritare “Reporters Without Borders” (RSF), raporton mediumi amerikan “AbcNews”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoQeveria, e udhëhequr nga presidenti Gurbanguly Berdymukhammedov, i cili në Turkmenistan njihet si “Babai mbrojtës” i kombit, ishte një nga të parat që nisi luftën kundër pandemisë duke i mbyllur kufijtë e saj në fillim të shkurtit, transmeton KOHA.
Deri më sot, asnjë rast me COVID-19 nuk është raportuar nga autoritetet, dhe mediat, të kontrolluara nga qeveria turkmene, kanë hequr nga përdorimi fjalën “coronavirus” nga çdo burim informacioni publik, nga pamfletet shëndetësore e deri tek shkollat e spitalet, sipas RSF.
Përkundër ndalimit të fjalës, lideri i shtetit fqinj të Uzbekistanit foli me presidentin e Turkmenistanit javën e kaluar, ndërsa në njoftimin për media nga lideri i Uzbekistanit u tha se dy liderët biseduan për disa masa të ndërlidhura me përhapjen e koronavirusit.
“U diskutuan aspektet aktuale të bashkëpunimit bilateral, përfshirë masat prioritare të ndërmarra në dy vendet për të parandaluar përhapjen e infektimit me koronavirus”, ka thënë komunikata.
Në ndërkohë, komunikata e qeverisë turkmene nuk e përmendi fare koronavirusin.
RSF thotë se autoritetet turkmene njihen për adoptimin e masave ekstreme, e kjo ka ndodhur edhe me koronavirusin. “Mohimi i informacionit jo vetëm që rrezikon qytetarët turkmenë, por edhe rithekson autoritarizmin e imponuar nga presidenti. I bëjmë thirrje komunitetit ndërkombëtar të reagojë dhe ta vejnë para drejtësisë për shkeljet sistematike të të drejtave të njeriut”, ka thënë shefja e deskut të RSF-së për Evropën Lindore dhe të Azisë Qendrore, Jeanne Cavelier.