Politikania e njohur, Sarah Palin, është zbuluar si një prej pjesëmarrësve të shout muzikor “The Masked Singer” në Amerikë.
Ish-guvernatorja e Alaskës i befasoi shikuesit kur u zbulua si personi prapa maskës së ariut, pasi në episodin e fundit të këtij shou e interpretoi hitin e reperit Sir-Mix-a-Lot, “Baby Got Back”, transmeton Koha.net.
Palin e postoi një mesazh në rrjetin social Twitter përmes së cilit e zbuloi se është pjesëmarrëse e emisionit shumë të shikuar “The Masked Singer”.
“Po pra… unë isha prapa maskës së ariut. Më ka pëlqyer shumë të këndoja dhe performoja në skenën e shout “The Masked Singer”, dhe ishte vërtetë një eksperiencë argëtuese. Kënaqësi të punoja me producentët dhe ekipin më të mirë televiziv, shumica prej së cilëve kanë qenë shumë të sjellshëm me familjen tonë përgjatë viteve,” kishte shkruar ish-guvernatorja.
?Yep... t’was me behind the #BearMask, I LOVED singing on The Masked Singer stage ~ it truly was a blast (now that it’s over!!) Great to work with the BEST producers & crew, many of whom have been so good to our family over the years. pic.twitter.com/BQkEFmYTaO
— Sarah Palin (@SarahPalinUSA) March 12, 2020
“The Masked Singer” është një shou i cili u mundëson personaliteteve të ndryshme të garojnë të fshehur prapa maskave, dhe më pas çdo javë eliminohen nga juria e përbërë prej yjeve, Ken Jeong, Nicole Scherzinger, Robin Thicke dhe Jenny McCarthy
