Operë në vaska me ujë Foto: Reuters

Operë në vaska me ujë

04 September 2019 13:00

Kryevepra e Mozzartit “Don Giovanni” që prej vitit 1787 ka qenë e parapëlqyera e adhuruesve të operës në Pragë, por kjo operë asnjëherë nuk është realizuar në kulmin e një ndërtese.

Të dielën, kulmi i një ndërtese në Pragë të Republikës Çeke është mbushur me vaska me ujë, në të cilat rrinin të shtrirë adhuruesit e operës teksa me gotë vere në dorë dëgjonin kryeveprën e Mozzartit, transmeton KTV.

Pronari i një kafeneje dhe përkrahësi i kulturës, Ondrej Kobza, organizoi këtë performancë, të cilën e shkrinë si është më së miri këngëtarët e operës, përfshirë edhe solistin Adam Plachetka që erdhi nga Opera e Vjenës.

Emri “Don Giovani” në gjuhën çeke mund të kthehet në fjalinë “John do vany” që në shqip do të thotë “Johni në vaskë”.

Kobza tha se ruajtja e kulturës në shpikje të reja, është mënyra më e mirë për ta ruajtur atë.

Këngëtari Plachetka deklaroi se performanca në kulmin e ndërtesës ishte një punë goxha sfiduese, por që në fund i pëlqeu.

Premiera e operës “Don Giovanni” ishte dhënë në Pragë më 29 tetor të vitit 1787.

© KOHA. Të gjitha të drejtat janë të rezervuara.

Komentet

Shto koment

Të ngjashme