LAJMET E MBRËMJES

Aktiv: Shumica e banorëve në veri nuk ndihen të sigurt

Foto: Driton Paçarada\KOHA
Pëlqeje KTV Video për të parë video të përzgjedhura nga KOHA
 

Organizata joqeveritare “Aktiv” ka prezantuar raportin që synon të ofrojë një pasqyrë gjithëpërfshirëse rreth gjendjes dhe perceptimeve për sigurinë të komunitetit serb në Kosovë. Në raportin: “Shpalosja e sfidave të sigurisë përbrenda komunitetit serb në Kosovë” thuhet se frika nga njësitet speciale është e pranishme te 77 për qind e popullsisë serbe në veri. Gjatë diskutimit u theksua se si deputetët serbë asnjëherë nuk e ngritën sigurinë si çështje në Kuvend

Prania e shtuar e pjesëtarëve të Njësisë Speciale të Policisë në veri pas incidenteve të fundit të sigurisë ka ndikuar në krijimin e pasigurisë dhe në rritjen e frikës mes komunitetit serb të kësaj pjese, është thënë të mërkurën gjatë prezantimit të raportit të organizatës joqeveritare “Aktiv”: “Shpalosja e sfidave të sigurisë përbrenda komunitetit serb në Kosovë”.

Miodrag Miliçeviq, përfaqësues i “Aktiv”, theksoi se mbështetur në të dhënat e Qendrës Humane në Mitrovicë, frika nga njësitet speciale është e pranishme te 77 për qind e popullsisë lokale dhe se prania e tyre perceptohet më shumë si një faktor jostabiliteti e represioni sesa sigurie.