Një vizatim i vogël i kokës së një ariu nga Leonardo da Vinci pritet të shitet deri në 12 milionë funte në një ankand, që do të mbahet sot në Londër.
Koka e Ariut është më shumë se 500-vjeçare dhe me përmasa 7x7cm.
Shitja mund të tejkalojë rekordin e mëparshëm për një vizatim të da Vincit, të vendosur nga Horse dhe Rider më 2001.
Sipas shtëpisë së ankandeve Christie’s, ky është midis disa vizatimeve nga mjeshtri italian i Rilindjes, të cilat janë ende në pronësi private.
Vizatimi u krijua duke përdorur pikën e argjendtë në letër të zbehtë rozë-bezhë dhe është midis një numri të vizatimeve të kafshëve në shkallë të vogël të artistit, të cilat datojnë që nga fillimi i viteve 1480.
Edhe
Vizatimi i Leonardo da Vincit pritet të arrijë vlerën e 16 milionë dollarëve
Laetitia Masson, një eksperte në vizatimet e vjetra e shtëpisë së ankandeve Christie’s, e përshkroi argjendin si “një teknikë shumë të vështirë, sepse nuk pranon ndonjë gabim”. Ai përfshin aplikimin e një maje argjendi në një letër të përgatitur posaçërisht për të lënë gjurmë dhe vija, që kërkon prekje delikate dhe presion.
Masson tha se Leonardo ishte i magjepsur nga natyra dhe kafshët në përgjithësi.
Skica më parë i përkiste piktorit dhe koleksionistit britanik Sir Thomas Lawrence, para se të shitej përmes Christie’s më 1860 për 2.50 funte. Por këtë here Christie’s parashikon që ajo do të arrijë nga 8 milionë deri në 12 milionë funte, duke mos përfshirë tarifat.
Leonardo da Vinci, i cili lindi në 1452 dhe vdiq në 1519, është i famshëm për artin dhe shpikjet e tij.
Edhe
Mashtrimi me “pikturë të Da Vincit” çon në burg një person
Në vitin 2017, një pikturë 500-vjeçare e Krishtit që besohet se ishte pikturuar nga da Vinçi është shitur në Nju-Jork për shifër rekorde - 450 milionë dollarë.
I njohur si Salvator Mundi (Shpëtimtari i Botës), shitja përfaqësonte çmimin më të lartë të ankandit për çdo vepër arti. \a2news
