Virgjil Muçi është fituesi i çmimit “Kadare 2018”. Muçi u vlerësua me veprën në dorëshkrim “Piramida e shpirtrave” me motivacionin “Për mënyrën sesi ndërton përmes gjuhës rrugëtimin jetësor”.
“Një grotesk ndaj banalitetit, i cili kërkon të zbehë njerëzoren, të shenjtën, duke e zëvendësuar me përshtatjen e pafundme”, është përshkruar romani fitues, në arsyetimin e jurisë në përbërje të Kim Mehmetit, Gentiana Abazit, Ledia Dushit, Agim Baçit dhe Eni Vasilit.
Autor i më se 10 librave që rrokin një krijimtari që zë fill me prozën e shkurtër e të gjatë, për të vijuar më pas me poezinë, kinematografinë dhe, së fundi, edhe në lëmin e kritikës letrare. Kontributi i tij është i ndjeshëm edhe në fushën e përkthimit me rreth 13 tituj nga gjuhë dhe autorë të ndryshëm, si: Sontag, Lindgren, Bukowski, Albahari, Kagan, Edgar, Rothschild, Dickens, Christie, Candito, Salleo etj. Gjithashtu ai është aktiv edhe në shtypin e përditshëm e atë periodik me shkrime kryesisht nga fusha e kulturës.
-
Shkrimtari Virgjil Muçi, merr çmimin kryesor të Panairit të Librit në Tiranë
-
Përzgjidhet dhjetëshja e finalistëve për çmimin “Kadare”
-
Kim Mehmeti merr çmimin e madh të karrierës
-
Shpallen fituesit e Fondit të Përkthimit për vitin 2018
-
Epoka e sotme është shprehja më elokuente e kontradiktave të fshatit global