Vepra e autorit prof. dr. Naser Ferrit, me titull “Peja gjatë antikitetit - Peja during Antiquty” përbëhet nga pjesa hyrëse (Hyrje – Introduction, Parathënie – Foreword) dhe katër kapituj tematikë, të cilët janë të ndarë në disa nënkapituj. Teksti prej 396 faqesh është i pajisur me 232 fotografi, ilustrime dhe harta gjeografike përcjellëse dhe është i shoqëruar me aparaturë përkatëse shkencore.
Këta katër kapituj kryesorë janë të shoqëruar me përfundim, me rezyme në gjuhën angleze (Peja during Antiquity, summary), pjesën e shkurtesave e të burimeve dhe të literaturës së përdorur (Abbreviations, Bibliography), me mbi 270 njësi bibliografike në shumë gjuhë botërore që nga ato klasike të botuara gjatë disa shekujve të kaluar e deri tek botimet më të reja të kohës, me tregues të emrave dhe nocioneve (Index of names and terms), tregues të emrave gjeografikë (Index of geographical names), ndërsa në fun d janë shënimet biografike dhe bibliografike për autorin (Biographical and bibliographical informations about author).
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVepra është e konceptuar sipas tërësive tematike kështu që në kapitullin e parë, “Histori dhe arkeologji - History and Archaeology”, janë të përfshira dhe të trajtuara të dhënat arkeologjike, historike, gjeografike dhe të dhënat e tjera relevante (pozita e vendbanimit antik në Pejë në kuadër të sistemit antik të rrjetit të rrugëve gjatë parahistorisë dhe antikitetit që lidhnin veriun e Evropës me Greqinë) dhe në bazë të gjetjeve arkeologjike trajtohen ngjarjet e ndryshme historike (pushtimi romak i Mbretërisë Dardane, rezistenca e dardanëve kundër romakëve e romanizimit, krijimi i provincës së re romake Mezia (Moesia), adaptimi i vendbanimeve pararomake dardane dhe krijimi i qendrave të reja urbane sipas rregullave e normave romake, çështja delikate e statusit dhe emrit të vendbanimit antik në Pejë, zbulimet arkeologjike dhe shumë çështje të tjera nga periudha e disa shekujve të fundit para Krishtit dhe të katër shekujve pas Krishtit.
Në kapitullin e dytë, “Mitologji dhe besime – Mythology and beliefs”, autori ka trajtuar besimet dhe kultet e hyjnive të ndryshme të cilët janë nderuar në rajonin e Pejës së sotme gjatë antikitetit (kultet autoktone pararomake, ato të panteonit zyrtar romak, dhe të kulteve të importuara nga Greqia e Lindja, duke i përfshirë edhe fillet e krishterimit të hershëm. Në këtë kontekst autori i ka trajtuar gjurmët e nderimit të kulteve iliro-dardane Silvanit dhe të Liberit (Dionisit), kultin e kryehyjit romak Jupiter, të ekonomisë e tregtisë (Merkuri), të fatit (Fortuna), të perëndive greko-romake të mjekësisë (Eskulapi, Hygia, Telespori, Herkuli-Herakliu), dhe kultet e perëndive egjiptiane Isis dhe Serapis, pastaj gjurmët e judeo-krishterimit dhe të krishterimit të hershëm.
Në kapitullin e tretë, “Epigrafi – Epi graphy”, autori trajton monumentet epigrafike të karakterit sepulkral e votiv, të cilat janë zbuluar gjatë tre shekujve të fundit në rajonin e gjerë të Pejës (Istog, Klinë, Deçan). Monumentet epigrafike janë të prezantuara në katalog, me tekste latine të zbërthyera, të përkthyera e të komentuara, e pos kësaj autori i ka trajtuar veçanërisht cilësitë e monumenteve mbivarrore, votive dhe të monumenteve epigrafike në objekte publike.
Artikullin e plotë e gjeni në gazetën Koha Ditore. Klikoni këtu për t’u regjistruar.