Në shikim të parë krejt janë histori personale, por në esencë ato kontekstualizohen si tema globale. Ka vite që janë realizuar, por ende janë aktuale.
Berlini i ka bërë bashkë në një ekspozitë tri videot e artistit kosovar Alban Muja. Ata që rrëfejnë mbajnë emrat e vendeve si Palestina e Tibeti.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë mesin e këtij triptiku veprash është edhe rrëfimi se si një qen bëhet personazh gjatë një udhëtimi nëpër Shqipëri e Kosovë, shkruan sot Koha Ditore. Do të shfaqen sot (e shtunë) “Projektraum LS43”, një format ekspozite për art bashkëkohor i fokusuar në video.
“The legendary dog” i realizuar më 2014, “Palestina” më 2005, “Tibet” më 2009, do të projektohen për dy muaj me këtë ekspozitë, hapja e së cilës bëhet në kuadër të “Berlin Art Week”. Me kurator Boris Kostadinov, “The legendary dog” - sipas së cilës vepër është pagëzuar edhe ekspozita e Mujës - shfaq një fragment nga jeta e artistit gjerman Ulay (Frank Uwe Laysiepen).
Rrëfimi shkëput një udhëtim që ai dhe artistja serbe Marina Abramoviq bëjnë në Kosovë më 1977. Sipas përshkrimit që i bëhet videos, udhëtimi i tyre është kurorëzuar me një shfaqje që ndodh brenda kufijve të hekurt ndërmjet Jugosllavisë së atëhershme dhe Shqipërisë socialiste. Gjatë kthimit ata marrin me vete atë që njihet si qeni i Sharrit apo pastorin ilir i cili jeton me ta për 14 vjet.
”’Palestina’ shfaq historinë e një vajze kosovare, e cila bart emrin e shtetit që gjendet në Lindjen e Mesme. Emri ka qenë emocionues për të që kur ajo e kuptoi historinë e vërtetë të saj. Megjithatë, ajo ndihet krenare për emrin e saj dhe historinë se si e mori atë emër”, shkruhet në sqarimin që bëhet për këtë vepër. Nëna e saj, në kohën kur ajo po priste një fëmijë, u habit nga një tragjedi që po ndodhte në Palestinë. Ushtarët izraelitë vranë një të ri palestinez para të dashurës së tij. Ngjarja u zhvillua në vitin 1982, pak kohe para se të lindte vajza që më pas u pagëzua me emrin Palestina. E “Tibet” sjell historinë e një kosovari që jeton në Zvicër. Tibeti shpalos historinë e emrit të tij në video. Prindërit e tij me rastin e përzgjedhjes së emrit ishin solidarizuar me ambientin politik në Tibet. Sipas përshkrimit që i bëhet, videoja paraqet rëndësinë e interpretimit dhe ndikimit të lajmit mbi shoqërinë globale.
Artisti Alban Muja ka thënë se prezantimi i këtyre veprave në Gjermani për të ka një rendësi të veçantë. Fillimisht është e veçantë se ato do të shfaqen në një galeri që ka në fokus videot.
“Mënyra se si prezantohen të shtunën është e re për këto projekte. Është e rëndësishme që ekspozita po hapet gjatë ‘Berlin Art Week’”, ka thënë Muja.