Aktorja shqiptare Suela Bako ka arritur të rrëmbejë çmimin e aktores më të mirë në “Nashville Film Festival”në Shtetet e Bashkuara të Amerikës”.
Me rolin e Shpresës në filmin e zhanrit horror “Bloodlands”, ajo ka arritur të bindë jurinë e të vlerësohet me këtë çmim, tejet i rëndësishëm për aktoren duke marrë në konsideratë filmat e tjerë konkurrentë që kanë qenë në garë në këtë edicion.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Bloodlands” shpalos historinë e një gruaje të thjeshtë që dhunohet, mbetet shtatzënë dhe stigmatizohet nga banorët e lagjes së saj, të cilët e dëbojnë në mal duke e quajtur shtrigë.
E lënduar nga sjellja e tyre, ajo vendos të shndërrohet në një shtrigë të vërtetë dhe të marrë hakun për krejt dhimbjen që i kanë shkaktuar.
Në këtë film, Suela Bako luan rolin e nënës të një familje që i duhet të përballet me mashtrimet e shtrigës.
Filmi i regjisorit greko-australian Steven Kastrissios, pritet të shfaqet për publikun shqiptar në muajin qershor.
I gjithë kasti i filmit, një prodhim shqiptaro-australian, është shqiptar. Në rolet kryesore interpretojnë Gëzim Rudi, Suela Bako, Emiljano Palali, Ilire Vinca, Dritan Arbana, Alesia Xhemalaj, Enxhi Cuku etj.
