Ylli i serisë “Friends”, David Schwimmer, i është kundërpërgjigjur akuzave se ky shou ka qenë transfobik, seksist dhe racist.
Derisa seria mbetet ende e popullarizuar anembanë botës, shumica e njerëzve e kanë vlerësuar atë si jashtë mode, veçanërisht kur vjen puna te historitë që i shtjellon dhe personazhet e përfshira në të.
Për shembull në njërin episod, personazhi Chadler (i personifikuar nga aktori Matthew Perry) brengoset për faktin se njerëzit mendojnë që ai është homoseksual, derisa të tjerët e kanë vënë re që në seri, përfshihen shumë pak personazhe me ngjyrë.
Por, në një intervistë të Schwimmerit për të përditshmen britanike “The Guardian”, aktori tha se nuk i merr fare parasysh këto deklarata.
“Nuk më intereson për këtë. E vërteta është që seria ishte novatore për kohën e saj, sidomos për mënyrën se si i ka trajtuar temat e seksit rastësor, seksit të mbrojtur, martesave mes homoseksualëve dhe lidhjeve romantike në përgjithësi. Problemi qëndron te fakti që, në ditët e sotme njerëzit paragjykojnë më shumë dhe i marrin gjërat jashtë kontekstit.”
Vitin e kaluar, Schwimmer bëri shaka me mungesën e diversitetit në serinë e famshme “Friends”, derisa po e prezantonte në skenë një shpërblim në ceremoninë e ndarjes së shpërblimeve “BAFTA”.
Edhe
Në shaka, Matthew Perry thotë se nuk flet kurrë me kolegët nga “Friends”
Ndërkohë, së fundmi u përfol për një rikthim të mundshëm të kësaj seri në ekran, por për shkak të disa mosmarrëveshjeve financiare, bashkë krijuesja e serisë, Martha Kauffman, e pranoi që nuk është e sigurt nëse një ribashkim i tillë do të ndodhë.
