Filmi i shkurtër “Përjetësisht Fëmijë” me skenar dhe regji të Lorena Sopit që trajton raportin e rrënuar familjar mes babait autoritar dhe djaloshit të mitur me emrin Moni, është përzgjedhur në programet zyrtare edhe të gjashtë festivaleve ndërkombëtare.
Kështu, nga data 04 – 07 gusht filmi “Përjetësisht Fëmijë” do të shfaqet në festivalin bregdetar të Italisë Cortosplash Film Festival i cili mbahet në Nova Siri të Italisë, për të vazhduar në festivalin e njohur amerikan Accolade Global Film Competition i cili mbahet në La Jola të Shteteve të Bashkuara të Amerikës nga data 01 – 05 shtator , pastaj nga data 21 – 24 shtator do të shfaqet në festivalin prestigjioz European Film Festival i cili mbahet në qytetin turistik Nidden të Lithuanisë , nga data 23 – 30 shtator do të shfaqet në Sose International Film Festival i cili mbahet në kryeqytetin e Armenisë - Yerevan, kurse nga data 05- 10 teto, do të shfaqet në njërin ndër festivalet më të njohura të filmit të shkurtër, pikërisht në edicionin e 15-të jubilar, në Festival of Mediterranean Short Film Tangier në Marok, thuhet në njoftimin për media të produksionit të këtij filmi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Është me rëndësi edhe përzgjedhja e filmit ‘Përjetësisht Fëmijë’ në listën e shkurtër të programit garues të festivalit të madh Short of the Year i cili organizohet nga platforma e njohur ndërkombëtare Promofest në Madrid të Spanjës”, thuhet më tej aty.
Filmin “Përjetësisht Fëmijë” gjatë muajve të vjeshtës e presin edhe shumë evente tjera. Deri më tani, filmi është përzgjedhur nga 22 festivale ndërkombëtare dhe ka fituar pesë çmime të ndryshme.
Në rolin kryesor paraqitet aktori i njohur Xhevat Qorraj dhe Miran Zymberaj. Në rolet e tjera vijnë Sheqerije Buqaj, Beslidhje Bytyqi, Kosovare Hoti, Joni Thimi, etj.
Drejtori i fotografisë është Latif Hasolli. Montazhier Nexhmi Mehmeti. Kostumografe Samka Ferri. Mjeshtër zëri Gëzim Rama. Skenograf Uran Duli. Kompozitor Naim Krasniqi.