Prishtinë, 14 janar – Ministrisë së Kulturës, Rinisë e Sportit më në fund i është hapur rruga për ta nisur ndërtimin e objektit të Muzeut të Historisë së Natyrës. Pasi i ka korrigjuar shkeljet që i kishte bërë gjatë vlerësimit të ofertave të kompanive për ndërtimin e këtij objekti, këtij institucioni i është dhënë leja që të lidhë kontratë me kompaninë e përzgjedhur për ta nisur ndërtimin e objektit ku do të shpaloset historia e natyrës së Kosovës. Kontrata në vlerë prej 2 milionë e 378 mijë e 431 eurosh, mes MKR-së dhe konsorciumit “NNR – Rukolli shpk dhe Call Home electronics shpk” pritet të nënshkruhet brenda dhjetë ditëve.
Muzeu i Historisë së Natyrës ishte parë si zgjidhje për mbi një mijë eksponate, kafshë e insekte të balsamosura, të cilat prej 21 dhjetorit të vitit 2017 janë vendosur në një shtëpizë prej dërrasash në hyrje të kompleksit “Eminxhik” në Prishtinë, që ka katër objekte, në dy prej të cilave zë vend Muzeu Etnologjik/ Shaban Maxharraj.
(Gjerësisht, sot në "Kohën Ditore")
-
Dhjetë ofertues për ndërtimin e Muzeut të Historisë së Natyrës
-
Muzeu i Historisë së Natyrës nuk ndërtohet pa 4 milionë euro
-
Ministria mbetet në “analizimin” e projektit të Muzeut të Historisë së Natyrës për më shumë se një vit
-
Ministria e Kulturës me buxhet heq dorë nga Muzeu i Historisë së Natyrës
-
Muzeu i Natyrës: 165 mijë euro shpenzime, tash në pikën zero