Qendra “Termokiss”, e cila drejtohet nga komuniteti në kryeqytet - e që ka mision reflektimin mbi ndryshimin urban e civil, po ashtu të shërbejë si hapësirë ku mblidhen të rinjtë për të zhvilluar projekte apo idetë e tyre - është dëmtuar edhe një herë qëllimshëm në mëngjesin e së dielës, shkruan sot “Koha Ditore”.
Dera hyrëse prej qelqi është thyer e tëra si rezultat i hedhjes me gurë në drejtim të saj, nga persona deri tash të panjohur. Përveç derës, nuk është raportuar për dëme të tjera. Megjithatë, kjo nuk është hera e parë që kjo qendër sulmohet.
Në korrikun e vitit 2016 kur edhe u bë rivitalizimi i objektit industrial të braktisur e që i takonte ngrohtores së qytetit “Termokosit”, gazeta kishte raportuar për një sulm të ngjashëm ku dikush kishte thyer derën dhe ishte futur brenda për të vandalizuar objektin, i cili kishte marrë formën e një qendre atraktive për të rinjtë falë punës vullnetare.
Por Njomza Dragusha, një prej iniciatorëve të krijimit të kësaj qendre, të dielën ka thënë se “Termokiss” deri më tani është bërë pre e më shumë se dhjetë sulmeve të tilla. Dëmet deri më tani kapin shifrën prej 4 mijë eurosh... (më gjerësisht lexoni sot në “Koha Ditore”)
-
Digjet një veturë në veri, dyshohet për zjarrvënie të qëllimshme
-
Tri sulme me thikë në Prishtinë dhe Drenas vetëm gjatë së dielës
-
Dëme materiale nga erërat, Komuna e Prishtinës bën thirrje për kujdes
-
Ankesat se s’ka nisur ngrohja, “Termokosi”: Gjatë ditës arrin pikat më të larta e të largëta
-
Komuna e Drenasit paralajmëron masa për zjarret e qëllimshme dhe sabotimin e ndriçimit publik