Mospajtimet brenda organeve të Teatrit Kombëtar të Kosovës kanë bërë që ky institucion ende të mos e ketë gati programin për këtë vit. Miratimi i tij bëhet nga Këshilli Drejtues i këtij institucioni pas propozimit që anëtarët e këtij organi marrin nga drejtori i përgjithshëm dhe nga udhëheqësi artistik.
Përderisa, sipas menaxhmentit, problemi është te mospajtimet me Këshillin Drejtues, përfaqësues të këtij të fundit fajin e hedhin te menaxhmenti. Si pasojë e mosmiratimit të programit, institucioni më i lartë teatror në vend ende nuk ka as planifikim financiar për këtë vit, madje as nuk ka bërë kërkesë për buxhetin e viti kalendarik në MKRS, detyrë ligjore kjo që institucionet e tjera e kanë përfunduar qysh në dhjetor. E vonimi i miratimit të programit mund të shkaktojë probleme në realizimin e repertorit.
Drejtori i përgjithshëm i TKK-së, Agim Sopi, ka thënë se kjo vonesë sigurisht që shkakton probleme, por ato janë të tejkalueshme.
Në fillim të dhjetorit ishte bërë e ditur se ministri i Kulturës, Kujtim Gashi, kishte ndërruar përbërjen e Këshilli Drejtues duke emëruar si anëtarë të rinj regjisorët Burbuqe Berisha e Orhan Kerkezi, letrarin Shkëlqim Millaku, aktorët Fisnik Ademi, Jahja Shehu e Ismet Azemi bashkë me Valon Kashtanjevën si përfaqësues të MKRS-së.
Por, sipas kryetares së Këshillit Drejtues, ky organ nuk është fajtor për mosmiratimin e programit artistik për këtë vit (gjerësisht, sot në “Kohën Ditore”).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
-
Mungesa e nominimeve zgjat afatin për kandidaturat e Këshillit Kombëtar të Arteve
-
Me mbi një vit vonesë hapet thirrja për Këshillin Kombëtar të Arteve
-
Drama me drejtorin e Teatrit Kombëtar: Komision disiplinor, paralajmërim për dorëheqje, pezullim, dorëheqje
-
Reagimet për “Emirën” hasin në vesh të shurdhër në Teatër e Ministri të Kulturës
-
Kosova bëhet me Këshill Kombëtar të Arteve, bashkon figura partiake