Dakordimi ndërmjet Republikës së Kosovës dhe Bashkimit Evropian për pjesëmarrje në programin “Evropa Kreative”, vendit do t’i krijojë një mundësi të re për zhvillimin e kulturës.
Marrëveshja është miratuar të martën në mbledhjen e Qeverisë, pas propozimit nga Ministria e Kulturës, Rinisë dhe Sportit për ratifikim, shkruan sot “Koha Ditore”.
“Evropa Kreative” është një program që ka për qëllim krijimin e hapësirës dhe mbështetjes së artistëve e organizatave kulturore për bashkëpunime të ndryshme.
Sipas shpjegimit që i bëhet këtij programi nga vetë Bashkimi Evropian, objektivat e përgjithshme janë të mbrohet, zhvillohet dhe promovohet diversiteti kulturor dhe gjuhësor evropian dhe të promovohet trashëgimia kulturore e Evropës. Po ashtu, ky program synon forcimin e konkurrencës, në veçanti të sektorit audioviziv... (më gjerësisht lexoni sot në “Koha Ditore”)