Lirije Pepa, një jetë me fotografinë

Qysh në moshën 9-vjeçare studion familjare të fotografisë e konsideroi vend pune.

Këtë profesion e nisi në vendlindjen e saj, në qytetin e Pejës.

Meqë sot jeton në Prishtinë, shpesh e viziton studion familjare që ndodhet në bulevardin “Bill Clinton” në kryeqytet, transmeton KOHA.

Që nga mosha 13-vjeçare, aparati u bë miku i saj më i ngushtë që e ka përcjellë gjithë jetën.

Për gjashtë dekada, gjithçka në jetën e saj lidhej me aparatin fotografik.

Në vitin 1975, ajo u ftua të jetë fotografe profesioniste në Qendrën Klinike Universitare të Kosovës.

Puna aty i mundësoi të dokumentojë kongrese të ndryshme të mjekësisë. Ajo ende e mban mend momentin kur për herë të parë shkrepi fotografi në një operacion.

Gjatë kohës së okupimit serb, puna e fotografes nuk ishte fort e lehtë.

Ndër kujtimet më të veçanta të saj është takimi me Nënë Terezën.

Pepa thotë se procesi i realizimit të fotografisë dikur ishte shumë më i vështirë se sot.

Lirije Pepa është një ndër fotografet e para në Kosovë që e ushtroi këtë profesion për gjashtë dekada.