-
Nga:
Elvira Berisha
- 24 dhjetor 2018 09:29
- Shpërndaje në:
Për Koloninë e Artistëve që ndodhet në fshatin Bardhosh, shteti deri më tani ka ndarë rreth 800 mijë euro. Por Qendra e Arteve e Kosovës do të kërkojë edhe 110 mijë euro nga Ministria e Kulturës, Rinisë e Sportit, për ta mbuluar një pjesë që ka mbetur pa kulm dhe për ta rregulluar infrastrukturën e objektit. As kjo shumë nuk mjafton për ta finalizuar e për këtë shpenzimet do t’i bartin shfrytëzuesit e hapësirave.
Bartësit e projektit të iniciuar para më shumë se një dekade, të cilëve u skadoi leja për shfrytëzim të pronës ende pa e finalizuar objektin, japin afat të ri për fillimin e punës dhe do t’ia mësyjnë të kërkojnë edhe një herë buxhet nga shteti, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPër Koloninë e Artistëve që ndodhet në fshatin Bardhosh − e projektuar më 2003, për të cilën punimet nisën më 2009 − shteti deri më tani ka derdhur rreth 800 mijë euro.
Por Qendra e Arteve e Kosovës do të kërkojë edhe 110 mijë euro nga Ministria e Kulturës, Rinisë e Sportit, për ta mbuluar një pjesë që ka mbetur pa kulm dhe për ta rregulluar infrastrukturën. Shkurti i vitit që vjen përmendet si afat i radhës për rifillimin e punës, ndërkohë që nuk janë nënshkruar në tërësi as kontratat me artistët që janë në listë për ta marrë një hapësirë në objektin e Kolonisë së Artistëve.
Afati paraprak për akomodimin e artistëve në atelienë e objektit qe dhënë fundi i vitit 2017. Në gusht të atij viti ishte thënë se për t’i funksionalizuar atelietë, artistët duhet të participojnë me një shumë rreth 5 mijë euro.
E tash gjërat kanë ndryshuar sa u përket mjeteve që do të investohen aty, por gjatë gjithë vitit 2018 nuk është bërë thuajse asgjë konkrete, përveç marrëveshjeve me artistët.
(Detajet mund t’i gjeni në numrin e sotëm të Kohës Ditore)