Dikur kampion i sportit të mundjes në ish-Jugosllavi, sot siguron jetesën nëpërmjet shitjes së librave.
59 vjeçari, çdo mëngjes zë vend në kioskën e tij në sheshin “Zahir Pajaziti” në kryeqytet.
Kalimtarë të rastit ndalen për të blerë librat e zhanreve të ndryshme që posedon librashitësi ambulant, raporton “Express” i KTV-së.
Jeta e Mirsad Krasniqit është e lidhur me librin dhe kapërcimi nga sporti në këtë pasion nuk ndodhi rastësisht.
E marta nuk ka qenë ditë e zakonshme për të, sepse më 23 prill e gjithë bota shënon ditën e librit, ditë që u shënua për herë të parë në Spanjë më 1995.
Edhe
Libri s’njeh kufij deri te lexuesi, panaire në qendër tregtare e Akademi
Mirsadi rrëfen se dashurinë për letërsinë e ka trashëguar nga babai i tij.
Njëri ndër librat që veçon në kioskën e tij është “Skënderbeu” nga Marlin Barleti i vitit 1964.
Jeta e një shitësi ambulant të librit nuk është e lehtë por ai nuk ankohet.
Mirsadi nuk pajtohet me konstatimet se rinia kosovare nuk lexon.
Edhe
Librarët në shesh deri në pesë ditë pa asnjë shitje
Deri javën që vjen, librat në kioskën e tij, do të shiten me zbritje, si simbolikë për ditën e librit.
Kioska e njeriut që jetën ia dedikoi librit, është e mbushur me libra historikë, psikologjikë, romane dhe të tjerë.
