Mario Mesany ishte pesë vjeç kur nisi të luante në violinë. Tre vjet më vonë ai e provoi veten në fyell, por sot është flautist i njohur.
“Jam rritur në një ambient i shoqëruar nga muzika. Babai im ishte muzikant, ai këndonte dhe performonte në organo”, thotë flautist çek Mesany.
Madje, ai është shkëputur shumë nga ditët e tij shkollore. Sot thotë se për të ato kujtime kanë humbur pak nga pak ngjyrën. Studimet i ka përfunduar në Konservatoriumin e Pragës në drejtimin e pedagogut Jan Riedelbauch.
Ndërsa për nivelet e mëparshme të shkollimit thotë se e ka të vështirë të përgjigjet me saktësi. Krahas studimeve performonte edhe për Orkestrën Simfonike të Radios Çeke për pesë vjet, shkruan sot Koha Ditore.
“E kisha kaluar procedurën e përzgjedhjes si performues i orkestrës së Radios Çeke para se të nisja studimet në moshën 25- vjeçare”, rrëfen ai.
Mesany vazhdoi studimet në Akademinë e Arteve Performuese në Pragë, nën drejtimin e profesor František Čech dhe diplomoi në vitin 1993. Filloi karrierën e tij në Orkestrën Simfonike të Radios në Pragë më 1987, në fillim si pikolist dhe pastaj nga viti 1997 si soloflautist.
(Artikullin e plotë mund ta lexoni sot në “E Diela me Koha Ditore”)