Objektet kanë rëndësi të veçantë për të.
Derisa ecën nëpër pjesë të ndryshme të Prishtinës, Edmond Drenogllava ndalet dhe i vrojton në detaje ndërtesat.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKëto objekte, më pastaj, bëhen pjesë e bllokut të skicimeve të tij.
Një prej skicimeve të bëra së fundi, është edhe Biblioteka Kombëtare e Kosovës, raporton “Express” i KTV-së.
Kudo që shkon e bart bllokun e skicimeve dhe ambienti që e rrethon është inspirim i përditshëm për të.
Skicimin urban, studenti i Arkitekturës, e sheh si memorizim të objekteve në letër.
Me ngjyra të ujit, Edmondi ka krijuar edhe një bllok të veçantë ku shtrihet historia e arkitekturës botërore.
Katedralen “Nënë Tereza” të kryeqytetit e bart kudo me vete. Pasionit të tij për skicim nuk i ka shpëtuar as objekti ikonik i kryeqytetit.
Edmond Drenogllava është student i vitit të katërt në Fakultetin e Arkitekturës. Ai planifikon që këto punime t’i përmbledhë edhe në një ekspozitë.