Organizata më e madhe në botë për mbrojtjen e Lëvizjes Moderne, DoCoMoMo_International, përmes një komunikate për opinionin, ka reaguar mbi shkatërrimin dhe modifikimin e Trashëgimisë Moderne në Kosovë me theks të veçantë ne modifikimin e objektit të Fakultetit Teknik të Universitetit të Prishtinës dhe tentativës për ta shkatërruar objektin e ish- Armatës Jugosllave në Mitrovicë.
DoCoMoMo_International ka publikuar reagimin në vjegëzën e portalit të vet "Heritage in Danger", të cilin mund ta gjeni ne linkun: https://docomomo.com/heritage
Letër-reagimi i DoCoMoMo-s do t’i dërgohet institucioneve relevante në vendin tonë si Këshillit për Trashëgimi Kulturore, Qeverisë, komunave të Prishtinës e Mitrovicës, si dhe Rektoratit të Universitetit të Prishtinës, thuhet në fund të komunikatës.
