Nexhmije Pagarusha dhe fjala muzë, shpesh përfundojnë në një fjali. Të shumtë janë ata që janë inspiruar prej saj. Këngët e pavdekshme dëgjohen në versione të përpunuara. E nami i saj vazhdon të frymëzojë gjenerata të tëra krijuesish.
Ditëlindja e 85-të e Pagarushës u bë shkak që shumëkush të kujtohet ta nderojë këngëtaren që njihet si Bilbili i Kosovës, shkruan sot “Koha Ditore”. Të ndryshme janë nderimet që vazhdojnë t’i bëhen.
Presidenti amerikan e nderoi për “angazhimin e saj jetësor në ndërtimin e një kombi të fortë nëpërmjet shërbimit vullnetar” tek i ndau çmim për arritje jetësore nga Korporata për Shërbim Nacional e Komunitete dhe Zyra e presidentit të Shteteve të Bashkuara të Amerikës.
Çmimin e mori në Tiranë, për ditëlindje. Këngë e fotografi me zonjën e madhe u shpërndanë gjithandej nëpër rrjete sociale ditën e 7 majit, kur u festua gjithandej për lindjen e një zëri të paharrueshëm.
Një disenjatori iu kujtua që ta nderojë ndryshe Pagarushën. Etnik Shala ka krijuar një koleksion veshjesh, për të cilat inspirimin e ka gjetur bash tek këngëtarja. E ka titulluar “Muzë” apo “Muze”. Të dyja opsionet i shkojnë për shtat jetës së saj... (më gjerësisht lexoni sot në “Koha Ditore”)