“Brick” identifikon talentet në këndim, vallëzim dhe instrumente muzikore

Nxënësit e dhjetë shkollave të Kaçanikut kanë prezantuar aftësitë e tyre në raundin e dytë të garave kulturore “Mendjet e ndritura”.

Këta nxënës kanë garuar në kategorinë e këndimit, vallëzimit dhe performancës në instrumente muzikore.

Juria e përbërë nga profesorët Ruzhdi Gjini, Lulzim Shehu dhe Enver Kamishi, ka bërë vlerësimin e nxënësve pjesëmarrës, raporton “Express” i KTV-së.

Si këngëtarja më e mirë në këtë garë është përzgjedhur nxënësja Rinesa Krasniqi, ndërkohë Flearsa Berisha është zgjedhur valltarja më e mirë.

Nga ana tjetër, tandemi Dea Lika dhe Qëndrim Zeneli ka dalë më i miri në performancën me instrumente muzikore.

Pjesa e dytë e garës “Mendjet e ndritura” është organizuar nga Qendra Kulturore në Kaçanik e cila është përkrahur nga CDF përmes programit “Brick”.