Kishte ëndërruar të bëhej këngëtare, por rrethanat jetësore e kanë larguar nga ky profesion.
Pasionin për muzikë e ka rrëfyer në librin e parë autobiografik, të cilin e ka shkruar duke u bazuar në ngjarje që i ka përjetuar që nga fëmijëria e deri te periudha e pasluftës në Kosovë.
Tregimin për dëshirën e lënë në gjysmë, artistja Vlera Kastrati, e ka bërë publik në promovimin e librit të saj, me titull “Anatomia e Kosovës - shpirti i gruas”.
Këtë libër, Vlera kishte nisur ta shkruante para gjashtë vjetësh. Ndërkohë, këtij vëllimi ia ka bashkëngjitur një USB, e cila përmban tetë këngë nga albumi i saj.
Kastrati, librin e promovuar në Shtëpinë e Evropës në Prishtinë, e cilëson pelegrinazh të shpirtit gjatë shëtitjes nëpër kujtime.
Pas versionit të botuar në gjuhën angleze, Vlera Kastrati këtë libër do ta sjellë edhe në gjuhën shqipe.
