Akademia e Shkencave të Shqipërisë thërret mbledhjen e jashtëzakonshme

Akademia e Shkencave e Shqipërisë ka thirrur një mbledhje të jashtëzakonshme më 11 shtator, pas dorëheqjes së parevokueshme që ka dhënë sot nënkryetari i sapozgjedhur i Akademisë, Myzafer Korkuti dhe debateve që kanë nisur mbi institucionin.

Në njoftimin e Akademisë thuhet:

Kryesia e ASH-së me propozim të sekretarit shkencor thërret mbledhjen e jashtëzakonshme dhe të zgjeruar të asamblesë së Akademisë së Shkencave, me këtë rend dite:

1. Ngritjen e komisionit të akademikëve për të gjitha çështjet e reformës institucionale në Akademinë e Shkencave të Shqipërisë, me mandat të plotë përfaqësimi dhe negocimi nga asambleja e akademikëve.

Mbledhja do të zhvillohet ditën e hënë, datë 11 shtator 2017, ora 11. 00, në sallën “Aleks Buda” në Akademinë e Shkencave.

Merrni masa për pjesëmarrjen! – thuhet në thirrjen e Kryesisë sëAkademisë së Shkencave, drejtuar anëtarëve të saj.