UNESCO: Vendet përkujtimore të vuajtjes njerëzore – trashëgimi botërore
Muzeu ESMA i Argjentinës në Buenos Aires, dikur një qendër sekrete paraburgimi ku kundërshtarët e regjimit ushtarak u torturuan dhe u vranë
Organizata e Kombeve të Bashkuara për Edukim, Shkencë dhe Kulturë ka njoftuar se vendet anëtare kanë rënë dakord në fillim të këtij viti se këto vende mund të luajnë rol kyç në ndërtimin e paqes, që është qëllim parësor i kësaj organizate
Varrezat nga Lufta e Parë Botërore në Belgjikë dhe Francë, kodrat e Ruandës ku më 1994 është kryer gjenocid dhe ish-qendra e torturave në Argjentinë, janë futur në Listën e Trashëgimisë Botërore të UNESCO-s, pasi është hequr moratoriumi i vitit 2018 për regjistrimin e qendrave memoriale të vuajtjes njerëzore.
Deri më tani vetëm Kampi i Përqendrimit Auschwitz-Birkenau në Poloni dhe Parku Memorial i Paqes në Hiroshima të Japonisë ishin në listë në këtë kategori.
Shtetet anëtare të UNESCO-s vendosën në takimin në Riad të shtojnë në Listë vendet memoriale të Luftës së Parë Botërore dhe ato në Ruandë, pasi më parë shtuan ish-Qendrën e Torturimit në Argjentinë.
Organizata e Kombeve të Bashkuara për Edukim, Shkencë dhe Kulturë ka njoftuar se vendet anëtare kanë rënë dakord në fillim të këtij viti se këto vende mund të luajnë një rol kyç në ndërtimin e paqes, që është qëllim parësor i kësaj organizate.
Lokalitetet e Luftës së Parë Botërore janë varreza ushtarake, aso në fushëbeteja dhe qendra përkujtimore midis Belgjikës veriore dhe Francës lindore.
Varrezat, 139 sosh, ndjekin vijën e Frontit Perëndimor dhe janë vendprehje të dhjetëra mijëra ushtarëve të disa kombësive.
“Në një kohë kur lufta është kthyer në dyert e Evropës [...] ato vende mishërojnë më shumë se kurrë një thirrje për paqe”, citohet të ketë thënë ministrja e Kulturës e Francës, Rima Abdul-Malak.
Në Listën e Trashëgimisë Botërore janë përfshirë dhe një varg kodrash në Ruandë, ku më 1994 u vranë gati një milion njerëz – Tutsi, por edhe Hutu të moderuar dhe pjesëtarë të kombit Twa.
Muzeu ESMA i Argjentinës në Buenos Aires, ku ndodhej ish-Shkolla e Makinerisë Detare, sipas UNESCO-s, ishte një qendër sekrete paraburgimi gjatë diktaturës prej vitit 1976 deri në 1983, ku kundërshtarët e regjimit ushtarak u torturuan dhe u vranë.
