“URBANinstallations” me artin që transformon

Shishe qelqi e plastike të shkapërderdhura gjithandej të gjendura në një rrugë të Berlinit japin përshtypjen e kaosit. Është pamja e njërës nga dyzet fotografitë e shkrepura nga Agron Blakçori, e të ekspozuara në “TRAFFIC gallery” në Prishtinë.

Janë realizuar gjatë një vizite dymujore në pjesë të ndryshme të kryeqytetit gjerman. Ideja për shndërrimin e tyre në vepra arti autorit i ka ardhur kur kishte parë objekte të braktisura larg vëmendjes së njerëzve, shkruan sot “Koha Ditore”.